Janica

Mahal ngayon ako ay hinahabi ng gabi
karayom at sinulid na pilit pinagsasama ng panahon
katulad ng tula ko sa iyo hindi ko alam kung saan
binurda, kung saan tinahi
ang alam ko lang uumagahin ako sa
pagreretaso ng iyong mukha at alaala.

Ako ang mananahi ng lahat ng lungkot
patuloy na patiwakal sa ugong
ng ating mundo
ikaw ang kamay na sumusuklay sa hangin
lantarang walang kibo
tulala sa lundo ng...

ewan ko
basta
ang nararamdaman ko lang ay
inaantok na ako
ngunit mamaya siya ay lilisan din
ngunit ikaw ay huwag sana
dahil
ikaw
na
lang
wala
ng iba